Servicio di douane tabata semi plat awe debi na oranan liber di douane

ORANJESTAD – Trahadonan di douane awe a bay den un tipo   accion ‘semi plat’ unda cu varios douaneronan a cuminsa tuma nan oranan liber pa protesta contra e recorte salarial di 12.6%. Presidente di sindicato SADA Eduard Maduro a confirma esaki diabierna tambe publicamente. Sinembargo e no ta yama esak un accion, pero loke a pasa si ta cu e la parce algo asina ya cu hopi douanero a tuma nan ora pareu. Pues dado momento tabatin varios servicio di douane cu no tabata funciona. Ora cu a mira cu no ta yegando ningun caminda cu e negosacionan, ni cu gobierno y cu mando di douane, y tambe mirando cu no tin orden di hues contra nan, a dicidi pa entrante awe trahadonan tambe tuma nan 2 ora liber confirme un circulario cu tin cu minister presidente, Maduro a bisa. No ta conoci con largo esaki lo dura, den sentido di si esaki ta algo cu lo sigui diariamente of si ta algo di solamente awe. Ta pendiente mas informacion mirando cu e noticia aki ta den proceso.