Polisnan ta pone trabou abou pa 2 ora entrante awe merdia

MACUARIMA – Miembronan di sindicato di polis SPA tap one trabou abou pa 2 ora entrante 12’or awe diabierna merdia. Asina presidente di e sindicato Rodney Solognier a bisa un rato pasa na prensa. Un otro miembro di e sindicato mientrastanto a confirma esaki y a bisa cu entre e dos oranan di protesta, polis lo actua solamente den casonan di emergencia. E protesta, ta pa mustra malcontento contra e decision cu polisnan lo no haya nan 12.6% bek manera pidi. E siman aki e secretario di estado Hulandes nobo Alexander van Huffelen a confirma un biaha mas cu e recorte ta continua tanten cu Aruba ta ricibi ayudo financiero. E hecho cu ta dispuesto pa papia riba un cambio di e forma di recorte, no tabata suficiente pa tene e polisnan contento.