Polis ta alerta pa no bira victima di fenomeno “Mystery Shopping”

MACUARIMA  - Cuerpo Policial Aruba diabierna a ‘bati alarma’ pa un fenomeno cu ta bek den ‘operacion’ y ta crea victimanan cu despues polis tin cu atende cu ne. Como tal cuerpo policial a manda un alerta pa concientisa y alabez avisa e pueblo di Aruba pa e fenomeno di “Mystery Shopping “cu ta lantando cabez un biaha mas. Na aña 2020  Cuerpo Policial a haya casonan di Mystery Shopping caba. E tempo eynan recherche a  haci nan investigacion pa cu esaki. E aña aki un biaha mas kehonan a cuminsa drenta na Cuerpo Policial di e fenomeno.

E modus operandi ta como lo siguiente: E persona cu ta asercabo pa traha p’e ta hack un cuenta di un otro persona y ta lanta placa for di dje.  E persona ta wordo aserca via facebook pa un hende desconoci di un otro pais, cu ta propone na dje si e kier gana placa trahando pa nan compania. E persona desconoci ta pidi e persona cu ta interesa den e trabou pa su cuenta di banco pa e por deposita e plaka pa asina e por haci e compranan. E placa cu supuestamente dunado di trabou ta pone ariba bo cuenta di banco, ela lanta di un otro cuenta di banco di otro hende. E persona cu haya e placa ariba su cuenta bancario su unico trabou ta di pasa pa un “Mystery Shopper” y bay cumpra I-tunes cards na  diferente establecimento cu ta bende esaki. Ora e tin e carchinan e mester djies manda e number (code) di e carchinan pa e persona desconoci aki via facebook. E persona tambe mester traha un rapport con ela haya e servicio di e lugar na unda e la cumpra  e carchi etc.,. Suppose eta parti tambe di su trabao pa e por wordo paga pa su servicio. 

Loke e persona no sa cu e placa  cu a wordo poni riba su cuenta bancario, a wordo horta for di cuenta di banco di un otro hende.  Asina e persona cu a kere cu e ta trahando pa un compania di afo ta bay over di trahado pa victim. Basta persona local a bira victima/ sospechoso y a wordo deteni. Pa e motibo aki  KPA kier a manda e aviso aki pa tur hende tene bon na cuenta pa no cay den e trampa aki y paga tino pa no bira victima di “Mystery Shopping”.