Tormenta Eunice no ta afecta buelonan pa nos regio for di Hulanda

SCHIPHOL – Buelonan for di Hulanda pa e area aki di mundo, ta sigui normal te cu awor, no obstante e tormenta grandi Eunice cu lo afecta gran parti di Hulanda. Mayoria transporte ta plat pendiente yegada di e tormenta cu lo pasa riba gran parti di e pais. Pa Aruba tin un buelo di Hulanda y mas pa Bonaire y Corsou. Tur e buelonan ey ainda ta riba schedule, mirando cu e buelo a sali ora cu e tormenta no tabata un ‘issue’ ainda. E tormenta a haci basta daño na entre otro partinan di Inglatera, unda cu e tormenta a pasa prome.