Aeropuerto si ta sigui mantene medida contra Covid19 te fin di luna

ORANJESTAD – Mientras cu gobierno di Aruba a anuncia awe cu ta cancela tur medida contra Covid19 entrante diahuebs awor, tin companianan cu a dicidi cu nan si ta mantene e medidanan vigente. Entre nan tin aeropuerto cu mesora awe a anuncia cu e medidanan ta keda vigente te por lo menos 1 di maart proximo. A mustra cu entrante diahuebs 17 di februari awor, tapaboca ta recomenda den tur oficina, area di check in y arrival, pero ta obligatorio den areanan den aeropuerto manera imigracion y douane local, seguridad, tereno Mericano, tur porta di salida y lugarnan di F&B te 1 di maart 2022. Mientrastanto AAA lo sigui monitoria e situacion di aviacion globakl prome cu e cambia su medidanan actual.