Top criminal hulandes Cees K. no ta riba nos isla Aruba

ORANJESTAD – E supuesto top criminal hulandes Cees H. no ta riba e isla Aruba. E informacion eroneo aki a crea un consternacion ora cu a compronde inicialmente cu e criminal aki lo ta kedando na Aruba y ta haciendo declaracionnan pa prensa, for di su estadia na ‘Aruba’. Periodistanan no a busca drechi y a conclui cu ora cu Cees K. a bisa Aruba, e lo kier men e isla parti di Reino Hulandes. Pero K. sinembargo ta kedando na Colombia den un pueblito cu tambe yama Aruba. E diferencia ta cu e ta un pueblito na Colombia. Mira e localidad aki, y despues riba un mapa mas grandi aki. 

ARTICULO

E prome indicacion robes tabata ora cu prensa hulandes a referi na Aruba den un articulo ora cu nan a papia di Cees K., bisando cu ‘K. a reacciona for di Aruba pa prome biaha riba e caso ‘Teevendeal’ ‘. Ta trata di e deal cu a causa e retiro di tanto minister di husticia Ivo Opstelten y secretario di estado Fred Teeven (lesa otro articulo).

REFERENCIA

Na varios occasion, e articulo ta referi na ‘Aruba’. Na un occasion e corant ta bisa ‘H, cu ta kedando na Aruba… ‘. Pero nada di esaki no ta berdad. De hecho NoticiaCla.com a confirma di su fuentenan serca di imigracion y grens politie, cu tampoco no tin ningun ‘record’ di yegada di e persona aki na Aruba.

UNDA ARUBA TA KEDA

E Aruba cu e supuesto top criminal ta referi na dje ta, ta un lugar cu un populacion hopi chikito den e provincia di La Guajira, Colombia.