Hulanda ta retira mayoria medida contra Covid19 cuminsando diabierna

DEN HAAG – E medidanan contra Covid19 na Hulanda ta wordo suavisa den tres paso grandi. Asina minister di salud Kuipers a anuncia diamars den un conferencia di prensa. Hopi di e cambionan ta drenta na vigor entrante 3 dia, esta 18 di februari, sigui pa mas suavisacion dia 25 di februari y despues na maart ta evalua. Entre nan, entrante diaranson, e situacion di corona no ta forma parti mas di e conseho di biahe di minisaterio di relacionan Exterior.  Esey kier men cu hopi pais cu ta riba color oraño, entrante mayan ta bira geel (pais cu risico pero ok pa biaha).  

MEDIDANAN

Entrante diabierna, horeca y sector cultural por keda habri te 1 or di marduga, compara cu awor cu tin cu cera 10 or. Den lugarnan cu menos cu 500 hende, no mester di tapaboca mas y no mester di tene distancia di 1 meter y mei. Riba localidad di mas di 500 hende si ta rekeri un reservacion di lugar. 

CAMBIO ENTRANTE 25 di februari

E prueba di vacuna ta disparce grandemente. Pa evenementonan grandi cu mas di 500 hende sin lugar fiho pa sinta, mester di un prueba di Covid19. Un test negativo no ta necesario mas pa biaha pa congreso y bolsnan. Pa biahe pa exterior por mantene e prueba di Covid19, dependiendo di e regla di e respectivo pais. Hulanda ta habri bek pa e bida nocturno.