WEB lo duna presentacion riba contracto di hedging diaranson

ORANJESTAD – Mientras cu e reunion publico mes ta programa pa diahuebs mainta 10’or, diaranson merdia WEB y Utilities NV lo duna un presentacion di e contractonan di hedging pa compra di heavy fuel oil (wak e invitacion aki)E reunion aki no uno publico, pero NoticiaCla.com a haya confirmacion cu e lo wordo transmiti si via e website di parlamento y e respectivo canal di parlamento riba cable tv. Esaki tabata a base di un peticion haci pa fraccion di partido MEP, y cual a keda concedi tambe. Parlamento mes a haya un invitacion pa e ‘bijeenkomst’ aki, como ‘antesala’ di loke por spera diahuebs awor ora cu e resultado di e asina yama ‘feitenonderzoek’ keda presenta.