SIMAR: Incomprendibel y inaceptabel pa permiti Parada di Luz 2022 pa tuma lugar

ORANJESTAD – Ta incomprendibel y inaceptabel pa permiti pa e evento ‘Parada di Luz 2022’ di tuma lugar. Asina presidente di sindicato SIMAR Josephine Albertus ta manda bisa prome minister Evelyn Wever den un carta dialuna. Segun e sindicalista, cu e evento aki, e realidad di e situacion actual ta wordo ‘perdi di bista’. Como tal Albertus ta pidi e mandatario encarecidamente pa re evalua e prioridad y ta spera su contesta riba esaki. E ta referi na e decision di siman pasa diabierna cu gobierno a tuma pa tene e evento dia 26 di februari proximo, como un tipo di chispa y sendemento di mecha pa carnaval 2023. 

PRIORIDAD ROBEZ

E sindicalista den e carta ta mustra e.o. riba e echo cu pa un evento asina si ta pone fondo disponible mientras cu e problemanan di Covid19 ainda no a keda resolvi. Aki ta referi na e echo cu tin placa pa carnaval, pero no pa inverti den enseñansa. Nan ta babuca cu e prioridad ta completamente robez y ta referi na e infrastructura inferior, un cuido adecua y mas riba tereno di mucha y enseñansa. Lesa e carta completo AKI.