Compania cu ta haci Covid19 test na hospital a stop su contract diripiente

PUNTA BRABO – Awe mainta hospital Horacio Oduber a keda confronta cu e hecho cu e compania di e Microbiologo Clinico, drs Andert Rosingh cu ta proceso testnan di Covid19 pa e laboratorio, a termina su contracto cu e hospital. Noticiacla a compronde mientrastanto cu tabatin cierto grado di panico y pregunta cu e hecho aki a crea, cu hospital lo a haci e tramite caba pa resolve e problema aki, y tin un ‘backup plan’ pa e testnan aki continua. A cmpronde cu e hospital lo a informa cu a sigura cu e validacionan di e pruebanan di Covid19 ta sigura pa e fin di siman aki ainda. Di un banda, a compronde cu ta den deliberacion pa remedia e situacion cu ta sigui despues di fin di siman, pero di otro banda a compronde cu a yega na un solucion caba temporal.

IREGULARIDAD

No obstante esaki, ta compronde cu temporalmente awor lo tin asuntonan cu lo por pega aki aya, pero cu a pidi pa comprension temporal pa cu esaki tambe. Esaki ta un noticia den proceso. Keda pendiente pa mas desaroyo.