Barco ta bisa turistanan” Nos ta failliet y lo drop boso na Aruba!”

MIAMI – Pasaheronan a bordo di e barco crucero Crystal Serenity, a pasa drama abordo recientemente ora cu nan tabata apenas 4 dia riba nan biahe crucero mundial y diripiente a haya sa cu nan mester a bay Aruba. Anteriormente noticiacla a raporta caba cu e barco a keda prohibi pa drenta Aruba siman pasa y awor a keda confisca pa motibo di debe miyonario. Riba e barco, tabatin 450 pasahero cu a pasa un odisea cu nan a comparti publicamente. Y un di nan tabata nan ‘biahe pa Aruba’. 

CAMBIO

Envez di bay lugarnan manera Barcelona, Athena y St Tropez, a bira conoci cu nan ta bay Aruba. “Riba e di tres dia e personal a anuncia cu nan ta bay failliet y cu lo ‘drop’ e 450 pasaheronan na Aruba’, e pasahero Barry (75) a bisa den un entrevista despues. Segun e capitan, esaki tabata fin di e biahe. Hopi no tabata compronde. Cos a bira mas raro ainda ora cu un anochi prome cu yega Aruba, a bisa cu ‘Nos no ta bay Aruba mas”. Segun Barry, e barco a bisa cu Aruba ‘no kier a ricibi nan’. “Tabatin hopi stress y hopi rumor. Algun a bisa cu (Aruba a nenga e barco) ta pa motibo di COvid, pero otronan a bisa cu ta pasobra Aruba no tabata kier ta envolvi den un caso hudicial of kier tabata den e posicion pa ‘confisca’ e barco.