APA ta inverti 1.6 miyon pa coba y limpia bou di awa pa ricibi mega crucero

ORANJESTAD – Pa por ricibi e prome mega crucero aki 3 luna, Aruba Ports Authority ta invertiendo 1.6 miyon florin pa cuminsa trabounan e siman aki pa coba y limpia (draga) 100 meter bou di laman na waf, pa asina logra haya e profundidad di entre 12 pa 13 meter bek. E trabou mes ta wordo haci pa dos compania Varadero Caribe y Ocean Group di Canada. E profundidad Esaki tabata e profundidad caba pero debi na mal tempo y otro motibo, e profundidad a cambia y bira un problema. Como tal mester haci un limpiesa pa logra e profundidad bek aki. Unabez cu esaki ta cla, lo por ricibi e mega crucero Oasis Class di Royal Caribbean Cruise Lines na mei proximo. 

E BARCO CRUCERO 

E barco crucero cu Aruba ta ricibi na mei proximo ta un, si no un di e barconan crucero mas grandi di mundo, midiendo 360 meter di largura, y ta carga riba 5 mil pasahero.