Trahadonan di F&B di Holiday Inn Hotel a pone trabou abou

PALM BEACH - Trahadornan di Food and Beverage di Holiday Inn a para trabou awe mainta 9'or pa motibo cu trahadornan Food and Beverage ta exigi pa exclui hefenan for di Service Charge. Di parti di hotel, e gerente di Recurso Humano Sandra Curtis Laclé a informa cu e accion ta bin como sorpresa mirando cu tur cos tabata cla pa vota pa e CAO nobo di e trahadonan pa firma diabierna awor. Despues for di FTA a compronde cu ta un parti di e CAO ta e problema, cu FTA kier pa saca afo unda cu managernan (3 en particular) tambe ta haya beneficio di e puntonan (tips) cu e trahadonan ta ricibi. Nan no ta haya cu esaki ta husto y como tal kier pa e wordo saca afo. Segun e gerente di HR, esaki a wordo ahusta pa e futuro gerentenan pero no ta compronde e problema. A mustra cu partidonan lo bolbe sinta na mesa, pues lo no ta cla pa firma diabierna ainda. Esaki ta mustra pues cu e accion a bin completamente como sorpresa y no sa unda e malcomunicacion a bin entre e trahadonan y e sindicato. A compronde cu e acccion a afecta e operacion di breakfast awe mainta. Keda pendiente pa mas informacion.