Dino Bouterse sentencia na 16 aña di prison na Merca

NEW YORK – Yiu homber di presidente di surnam Desi Bouterse, a wordo sentencia na 16 aña y 3 luna di prison awe. Esey un hues na New York a dicta. Anteriormente e la sera un deal cu ministerio publico di e estado, a cambio di un sentencia reduci. Di otro forma e lo por a haya un castigo minimo di 40 aña di prison. Como parti di e deal, e la admiti cu e tabata sostene e organisacio di teror Hezbollah y a trafica 10 kilo di cocaina. Segun fiscal mericano Bouterse tabata responsabel tambe pa traficacion di arma.

ARESTO PREVENTIVO

 E la sinta 18 luna di detencion preventivo, huez Shira Scheindlin por haci historia. Lo ta prome biaha cu yiu di un presidente actual di un pais, ta wordo sentencia na Merca. “Chuckie Taylor, yiu di ex presidente di Liberia, Charles Taylor ta prome cu Dino. Sinembargo pa ora cu e la wordo sentencia, su tata no tabata presidente mas.

CAMPO BOUTERSE

E campo Bouterse a teme e dia aki caba pa lunanan largo. Un sentencia lo ta un sla duro, tanto politico como priva, pa e tata Bouterse. E tata ta bringando pa un di dos termino como presidente. Pa oposicion, cu kier gana e eleccion na mei proximo, un castigo di prison ta un ‘regalo di shelo’.

DETENCION DINO

Un operacion clandestino di DEA na augustus 2013 a costa Dino su libertad. Despues di a biaha di Aruba pa Panama, e la wordo deteni na e pais Centro Americano y transporta pa Merca. E tempo ey tabata tempo di eleccion na Aruba unda cu a specula riba e bishita di Bouterse na Aruba, unda cu a tilda politico Glenbert Croes di ta amigo di Bouterse, pues tambe ta un figura dudoso. Asina kier a desacredita e politico net prome cu eleccion. Croes na e ocasion ey, a admiti cu Bouterse ta su amigo, pero esey no kier men cu e, esta Glenbert, ta meti den actonan dudoso di cual Bouterse tabata wordo culpa di dje. 

CASTIGO 

Dino Bouterse a evita un caso den corte door di admiti culpabilidad aña pasa. E ta risca un sentencia di 15 aña pa bida largo. Si Bouterse no a admiti, su sentencia minimal lo tabata por lo menos 40 aña.