Hues a suspende tratamento di caso Avestruz te April 2022

ORANJESTAD – Hues awe diaranson mainta, a suspende e regiezitting di e caso Avestruz pa 1 di april proximo pa 11’or di mainta. Riba e fecha ey, lo trata e caso pro forma, conforme peticion di e abogadonan di e respectivo 11 sospechosonan den e caso. Mayoria di e peticionan solicita pa e abogadonan dialuna den e prome regie zitting, a keda aproba pa huez awe diaranson. Entre nan, pa scucha mas testigo y pa cierto documentonan wordo comparti cu ainda no tabata den nan poder. A wanta e peticion di scucha mas testigo, pa e proximo session na April proximo. Esaki pasobra durante e periodo awor cu ta sigui, abogadonan lo por tin mas testigo pa scucha, y como tal no a entrega ningun nomber awor sino ora cu ta completamente cla cu e nombernan na April. 

UNICO RECHASO 

Un documento so no a haya permiso pa haya, ta e dossier cu e sospechoso Sevinger a comparti riba proyectonan cu ta data di e tempo di gabinete MEP anteriormente y cu e la entrega na e ekipo di investigacion durante su periodo di investigacion. OM a resisti dialuna riba esaki, argumentando cu e no ta relevante pa e caso aki. Huez a bay di acuerdo cu e peticion aki. Den un articulo adhunto, lo splica mas di esaki. 

PETICION

Entre e peticionan di dialuna, a pidi pa e abogadonan haya e rapportnan cu ex parlamentarionan Croes y Tjon cu awe ta minister, a entrega, pa nan haya aceso na nan. Sinembargo a resulta cu nan tabata den e dossier caba, pues no tabata necesario pa hues dicta riba esaki.