Impacto di fusion entre Frontier y Spirit Airlines no ta conoci ainda

MIAMI – E impacto di e fusion entre e dos aeroliñanan Spirit y Frontier lo no ta conoci ainda pa un tempo. Manera ta conoci, ayera a anuncia cu e dos aeroliñanan  Frontier y Spirit ta bira un solo aeroliña. E impacto specifico lo no ta conoci inmediatamente, pero si ta premira cu e combinacion lo haci nan e aeroliña mas ultra competitivo di prijs. E anuncio a bin dialuna y e deal mester keda concretisa den e di dos parti di aña aki, suheto na aprobacion regulartorio Mericano. Ambos aeroliña ta bula independientemente pa Aruba. Con esaki lo afecta e buelonan pa Aruba no ta conoci ainda. E fusion aki lo traduc den mil buelo diario pa mas di 145 destinacion pa Merca, Latino America y Caribe, usando casi 300 avion. Frontier su base ta na Denver, mientras cu Spirit ta basa na Florida.