DIMP: Mas di 60% di number di auto tin pago haci pa 2022 caba

ORANJESTAD – Un 37.1% di numbernan di auto no a cumpli cu pago ainda pa 2022, conforme e regla. Manera ta conoci, ultimo dia pa paga impuesto riba e prome mitar aña di plachi di auto a vence diabierna 4 di februari 2022. Originalmente esaki tabata 31 di januari ultimo pero debi na e problema di vandalismo cu Setar, a prolonga esaki cu un siman mas. Asina mes, tin 33.222 number cu ainda no a wordo paga, of mehor dicho, nada di esaki. Asina e cifranan cu noticiacla a obtene di Departamento di Impuesto dialuna a informa e portal. Tin 61.2% cu si a cumpli cu pago, sea ta aña completo of mitar aña, cu ta bon pa 54.797 plachi di number. Aruba tin 89.547 vehiculo di motor registra cu plachi. 

INCUMPLIMENTO

E categorianan cu incumplimento (no pago pa 2022) cu ta resalta ta relativamente halto. Sigur tin mas di 2 mil auto di huur cu no a paga ainda, mas di mil brommer, y esnan cu ta core cu number personalisa ta halto tambe, riba 400. Pa loke ta taxista, esaki ta un tercera parti na 113 number di taxi (tin mas of menos 400 taxista registra).

E LISTA COMPLETO

Categoria A: 27.345 

Categoria MFA: 1.046

Categoria MFV: 136

Categoria V: 2.628

Categoria Naamplaat: 405

Categoria B: 68

Categoria TX: 113

Categoria DT: 448

Categoria TR: 42

Categoria T: 252

Categoria O: 159