Corte: Sentencia di pasado ta prohibi politico Braam pa bira minister

WILLEMSTAD – Corte a dicta dialuna cu un sentencia di pasado, ta stroba politico Eduard Braam pa wordo nombra como minister y den e caso aki, minister di Husticia. For di tempo cu gabinete Pisas a forma, e prome minister mes tin e cartera ey, pendiente e desaroyo di e caso aki.  E politico a entama un caso pa sa si un sentencia na 2002 contra dje pa un delito cometi, por strobe di bira minister. Corte a dicta awe cu esaki ta corecto y cu como tal, e no por bira minister. Den articulo 7 di ley di integridad, ta bisa cu un persona no por bira minister si den pasado a sentencie pa un delito, y cu esey no ta irasonabel y no ta contra statuto di Corsou of tratado internacional. Braam ta ruman di abogado Berti Braam.