Ex minister Sevinger y 10 otro sospechoso ta den corte awe pa caso Avestruz

ORANJESTAD – Ex minister y actual Parlamentario Benny Sevinger y 10 otro sospechoso ta dilanti mesa berde unda cu hues lo trata e caso den forma di un ‘regie zitting’, esta ta averigua si tur cos ta canando bon, si tin pregunta ainda y of investigacionan pendiente relaciona cu e caso grandi di fraude rond di tereno di gobierno, conoci como caso Avestruz. E tratamento integral mes di e caso tin cu tuma lugar ainda y despues di awe, hues lo stipula un fecha pa esaki tuma lugar. Mas probable cu esaki lo ta den e 3 cuartal di e aña aki. 

E CASO

Tabata aña pasa April ora cu despues di un ‘silencio’ di dos aña despues cu a haci entradanan hudicial na cas di varios sospechoso, cu detencionan a cuminsa cay den e caso aki. E prome cu a keda deteni tabata e dama R. Richardson, cu dia 11 di April 2021 a keda deteni. A sigui J. Franken dia 12 di April, y L. Richardson dia 13 di April. Despues di un break, a sigui mas detencion dia 19 di April ora cu a detene e pareha G. Werleman   y N. Nuñez. A sigui un break chikito pa despues dia 28 di April detene F. Abath, , sigui pa P. Sussebeek dia 5 di mei y F.Every dia 11 di e mesun luna. Detencionnan no a stop y dia 19 di mei a detene M. Hsing. Finalmente dia 26 di mei, a pasa pa detene e sospechoso principal Benny Sevinger y su casa C.  

E CARGONAN

Mientrastanto Ministerio Publico a saca su lista di sospechoso cu tin cu presenta awe dialuna pa e asina yama ‘regie zitting’ cu ta e.o. B. y S) ta wordo acusa di soborno di un ambtenaar den e periodo di respectivamente januari 2014 pa december 2017 (B.) y di januari 2010 pa december 2017 (P.S.). F.A. ta wordo acusa di falsificacion, estafa y abuso di su funcion di januari 2014 pa december 2017. W. y R. y N. y M.A. ta wordo acusa di falsificacion, estafa y soborno di un ambtenaar di respectamente januari 2014 te december 2017 ( W. y R.) y di januari 2013 te december 2017 (M. A.). O.Sevinger. ta wordo acusa di falsificacion, estafa, tumamento di regalo of promesa, labamento di placa y abuso di su funcion. M. ta wordo acusa di estafa y falsificacion di januari 2014 te december 2017. H. ta wordo acusa di soborno di un ambtenaar y labamento di placa di januari 2014 te december 2017. E. ta wordo acusa di falsificacion, estafa, tumamento di regalo of promesa, labamento di placa y abuso di su funcion di januari 2010 te december 2017.