Gobierno ta topa sindicatonan SEPPA y SIMAR den Corte otro siman

ORANJESTAD – Gobierno ta topa sindicatonan SEPPA y SIMAR den Corte otro siman diabierna pa e caso sumario cu nan a entama contra e sindicatonan. Diabierna atardi e fecha a keda conoci y publica. E intencion ta pa para cualkier accion cu tin contra e hecho cu gobierno no a para e recorte salarial di 12.6%. Tabata e siman aki cu sindicatonan kier a bay den accion den forma di traha un ora menos na scolnan, asina cu februari habri. A programa cu pa dia 2 di februari 2022 esaki lo a drenta na vigor. Gobierno a actua mesora y a entama e caso. Prome contra Simar so, pero ora cu a nota cu SEPPA si a sigui cu e accion, a cita SEPPA tambe un dia despues. Pa loke ta e citacion, hues a tuma contacto cu ambos sindicato cu a bay di acuerdo pa para tur accion pendiente e caso sumario aki pe medio di un orde maatregel. Pues si ta bon, por lo pronto no por tin accion, debi cu tin un orde maatregel cu ta cubri e periodo te cu e caso mes tuma lugar.