RMR: Presupuesto Aruba, Corsou y Sint Maarten no mester ta balansa na 2022

DEN HAAG - Na 2022 tampoco Aruba, Corsou i Sint Maarten no mester cumpli cu e normanan presupuestario. Esaki Conseho di Minister di Reino, na unda e cuater paisnan hunto ta trata asuntunan di Reino, a dicidí awe. Esaki ta nifica cu dentro di cierto cuadro e paisnan por gasta mas cen cu ta drenta na entrada e aña aki.

E reglanan pa presupuesto di e paisnan ta establece pa ley legalmente. E acuerdo ta cu Aruba, Corsou y Sint Maarten ta soru pa un presupuesto balansa. Como consecuencia di e pandemia di corona mundial no a logra esaki na 2020 ni na 2021. 

E paisnan a pidi i haña permit pa desvia di e acuerdo aki. E pandemia i e consecuencianan di esaki ta e motibo pa cua e paisnan a bolbe pidi aprobacion  e aña aki pa desvia di e exigencianan establece i e paisnan a bolbe haña esaki. 

"Mi ta contento cu nos por a yega na un acuerdo cu e paisnan”, asina Secretario di Estado di Relacion den Reino, Alexandra van Huffelen, ta duna di conoce.

Hulanda a ofrece e paisnan yudansa den forma di sosten di fiansa di emergencia di aproximadamente 1 biyon florin. Tambe tin sosten continuo den e lucha kontra COVID-19 i Hulanda a yuda ku por ehèmpel pakete di kuminda. 

ARUBA

Aruba a pidi Conseho di Minister di Reino aprobacioon tambe pa parcialmente elimina e corte salarial di 12,5 porciento; un di e condicionnan anteriormente acorda pa sosten di emergencia. Conseho di Minister di Reino no a bai di acuerdo cu esaki, entre otro paso Aruba ainda ta hasi un apelacion riba sosten di likides. Sí a yega na e acuerdo cu Aruba ta bin cu proposicion con na un otro manera por implementa e corte salarial. Tambe ta wak bou di cua condicion riba termino por elimina e corte salarial.