Aruba tin cu warda proximo RMR pa haya aprobacion di sosten di likides

DEN HAAG – Aruba ainda no ta haya sosten di likides for di Hulanda. Por lo menos no awe. Durante e reunion di RMR di awe diabierna mainta, a dicidi cu ta pone riba agenda pa e proximo RMR, pero si a haya otro riba e puntonan aki. Ta trata di e nota di cambio (COHO) y e prolongacion di protocol pa supervision financiero. Aunke no tabatin detayes riba esaki, por compronde cu lo a bay di acuerdo pa esaki tin un duracion di 2 anja. 

SATISFECHO

Gobierno di Aruba den su prome reaccion awe mainta a indica cu nan ta satisfecho cu a logra acuerdonan riba 2 di e 3 puntonan, y cu e sosten di likides por wordo aproba den e sigiente reunion. Pero ta lamenta cu no a yega na acuerdo ainda tocante e recorte di salario. Gobierno lo sigui den deliberacion cu Hulanda, y mientrastanto lo sigui dialogo cu sindicatonan.