Varios medida crucial contra Covid19 ta keda elimina entrante diabierna

ORANJESTAD – Gobierno di Aruba y Crisis Team a anuncia suavisacion di medidanan contra Covid19 diahuebs anochi durante un conferencia di prensa. Un lista largo di cual esnan mas principal, ta cambio di orario di cierre di negoshi (ta hala pa 1am den siman y 2am den weekend), ta elimina tanto e gebiedsverbod y samenscholingsverbod, y ta permiti baliamento riba pista di baile y tur esaki ta drenta na vigor mei anochi dia 4 di februari 2022. Segun prome minister di Aruba Evelyn Wever Croes, e cifranan actual tanto di casonan activo como e casonan di hospitalisacion no ta hustifica ni huridicamente ni medicamente pa mantene e medidanan cu a wordo cancela. Ta keda cierto medidanan ainda manera tapaboca obligatorio, laba man y distancia social.