Awe un biaha mas Corsou ta raporta 5 morto riba un dia pa Covid19!

WILLEMSTAD – Mientras cu Aruba ta preparando pa suavisa medida contra Covid19 mas ainda, na Corsou awe atrobe a raporta no menos cu 5 morto riba un dia pa e virus. Di e 5 personanan, uno tabata hospitalisa den CMC, dos tabata den un cas di cuido y dos a fayece na cas. E situacion na Corsou, contrario na Aruba, ta mucho mas pio pa loke ta e.o. mortonan. Manera den un raportahe anterior awe, den algo mas cu un siman, Corsou a conoce un total di 21 morto pa e virus, unda cu awor e cantidad total ta poni na 242 morto, compara cu Aruba cu tin 194. Pa loke ta casonan activo total tambe nan tin mucho mas cu Aruba, unda cu awe nan a registra 1449 di casonan activo total, contra 257 caso total.