Wever-Croes: Aruba ta riba agenda di RMR diabierna awor

ORANJESTAD – Aruba ta riba agenda di Rijks Minister Raad (RMR) na Hulanda diabierna awor. Asina prome minister Evelyn Wever a confirma diamars atardi. Segun e mandatario, diabierna awor Hulanda ta dicidi si e.o. e recorte salarial ta wordo adapta, y tambe si Aruba ta haya e ayudo di subsidio e biaha aki si. For di Hulanda no a haya e confirmacion si, si Aruba ta riba e agenda.

CANCELACION 

Tabata na December ultimo cu Hulanda a dicidi pa wanta e decision pa cu Aruba te proximo aviso, cu por tabata e siguiente RMR na januari. Despues a resulta cu esaki mester a wordo posponi debi cu e gabinete nobo Rutte IV no tabata cla pa reuni riba e temanan poni. A move e reunion pa dos siman despues cu ta diabierna awor 4 di februari.