Gobierno lo pidi ‘ordemaatregel’ contra sindicato SEPPA tambe

ORANJESTAD – Gobierno lo pidi ordemaatregel (medida disciplinario) contra sindicato SEPPA tambe awe, pa para nan accion di cuminsa scol mas laat. Asina prome minister Evelyn Wever a confirma pa noticiacla diaranson mainta. Esaki mirando cu despues cu sindicato SIMAR a confirma diamars atardi laat cu debi cu nan a haya un peticion di hues pa para e accion pendiente un caso sumario pa pidi un orde maatregel, y cu nan a para nan accion, SEPPA a anuncia cu ‘nan accion si ta sigui’. Ora cu a check, ta pasobra tabata SIMAR so cu a haya e peticion y no SEPPA. Pues den curso di dia awe SEPPA tambe por spera un yamada di hues cu e mesun peticion pa para e accion pendiente e caso sumario contra nan.