SIMAR: Riba peticion di hues, ta suspende accionan di scol pa diaranson

ORANJESTAD – Scolnan na Aruba diaranson ta cuminsa cu orario normal, debi cu riba peticion di huez, Simar a suspende e accionan di cambia e orario di cuminsa scol mas laat. Durante un conferencia di prensa diamars anochi, sindicato SIMAR a confirma cu awe tardi Corte a yama e sindicato y a pidi nan pa suspende e accion. Por papia di un suspension temporal, pendiente un caso sumario cu gobierno di Aruba lo a entama contra sindicato pa pidi un medida di orden (ordemaatregel). E suspencion di accion ta conta solamente contra e sindicato di maestro. Segun e presidente di e sindicato di maestro Josephine Albertus, e accionan ta para temporalmente pasobra e lucha di e maestronan lo sigui. E ta premira cu den e proximo 24 pa 48 e caso sumario lo tuma lugar.