Secretario di Estado van Huffelen ta bishita Aruba aki dos siman!

DEN HAAG/ORANJESTAD – E secretario di estado Hulandes nobo pa Asuntonan di Reino, Alexandra van Huffelen ta na caminda pa Aruba ( y e otro 5 islanan) pa cera conoci personalmente cu e respectivo mandatarionan y demas persona. For di Hulanda, noticiacla a confirma cu e delegacion ta poni pa yega Corsou dia 10 di februari proximo y cu pa dia 15 di februari 2022, e mandatario Hulandes lo inicia su bishita na Aruba. E agenda oficial no ta conoci ainda pero lo keda comparti den e proximo oranan. Fuera di e bishitanan usual manera Gobernador, Gabinete Wever Croes II y Parlamento, no ta conoci unda tur e lo bishita. Ta e prome bishita di e mandatario Hulandes desde cu e la huramenta dia 10 di januari ultimo.