WEB: A finalisa trabou di limpiesa na rif causa pa derame di zeta

ORANJESTAD – Diamars 3 di maart ultimo WEB a finalisa e trabou di limpiesa na rif, despues di e derame di zeta riba laman na februari ultimo. WEB ta informa cu a notifica Directie Natuur & Milieu, cual a inspecciona e rif y a duna aprobacion pa cu finalisacion di e trabou. E compania di awa tambe a pone Bureau Rampenbestrijding na altura di e proceso di limpiesa y su finalisacion. Entretanto a finalisa un investigacion interno y riba termino WEB lo tuma e medidanan necesario pa preveni ripiticion y of detecta posibel lek den tanki mas trempan posibel. A haci palabracionnan fiho tambe cu instancianan pa cu notificacion di un derame den laman den area di WEB, pa asina por tuma accion mas pronto posibel. E potretnan ta duna un bista despues di a finalisa e limpiesa.