Docentenan miembro di SIMAR ta cuminsa les mas laat entrante diaranson

ORANJESTAD – Docentenan miembro di sindicato SIMAR,  entrante 2 di februari lo cuminsa les mas laat. Esey a keda dicidi durante un reunion di SiMAR cu su miembronan na e cede diamars mainta. A opta pa cuminsa scol mas laat envez di caba scol mas tempran, debi cu experiencia ta mustra cu mayornan ta busca nan yiunan laat toch dus si caba mas trempan, e docentenan toch tin cu keda warda e mayornan busca nan yiunan. Asina presidente di SIMAR, Josephine Albertus a bisa diamars mainta despues di e reunion cu maestronan. Na tur, lo cumpli cu e 20 ora di les minimal cu alumnonan ta haya les pa siman.

REGLA DI SCOL

Entre e reglanan cu a keda stipula, a dicidi cu pa kleuter y basis school miembro, ta cuminsa scol pa 8:15am, y pa scolnan avansa manera HAVO y VWO , lesnan ta bira 5 minuut mas cortico. Mescos ta conta pa scolnan manera EPI. Esey kier ken cu lesnan ta bira 40 minuut envez di 45. NOTA: Potret ta di archivo di noticiacla di un reunion recien di sindicato.