Sindicatonan ta mantene cu entrante 1 februari ta traha 1 ora menos pa dia

ORANJESTAD – Sindicatonan cu ta representa trahadonan publico, a reitera dialuna merdia cu entrante 1 di februari 2022, esta diamars awor, nan miembronan ta cuminsa traha un ora menos pa dia. E forma con esaki ta wordo incorpora, ta varia pa cada sindicato y nan miembronan. Awe mainta e reunion cu sindicatonan tabatin cu gobierno, segun sindicatonan, no a duna resultado positivo, pa cual a opta pa para ariba y mantene e plan pa traha un ora menos. Ta trata di 22 ora menos pa luna, cu tin cu compensa pa e recorte salarial di 12.5% te proximo aviso. Gobierno a sugeri pa kita esaki di e ATV dagen, pero sindicatonan a protesta contra esaki den e reunion di dialuna mainta. Potret cortesia di gobierno, ta di un reunion entre sindicato cu gobierno den fin di siman cu a pasa.