Por lo menos 12 buelo di Merca pa Aruba cancela pa tormenta di sneeuw

ORANJESTAD – Debi na un tormenta di invierno feroz na e parti Noord Oost di Merca diasabra, mayoria di buelonan for di e area aki pa Aruba a keda cancela. Un total di 12 buelo, mayoria for di e aerea di Boston, New York, Newark y Philadelpia a keda cancela.  E asina yama ‘Nor’easter cu a dal e area aki, parce di ta uno historico y ta papia di cantidad record di sneeuw cu e area aki a y lo ricibi pa gran parti di e dia. Ta papia di casi un pia di sneeuw, si no ta mas, por wordo spera pa ora cu e tormenta aki caba pasa. 

CANCELACION

E situacion aki no ta uno bon pa Aruba, mirando cu ta riba un dia cu ta spera mas buelo den un temporada halto. Y cu e cancelacion di e buelonan aki, esnan cu tin cu bolbe Merca, tambe ta keda pega pa por lo menos un anochi mas, si no ta mas.