Ex periodista Weert na yoramento a pidi hues pordon pa su actonan

ORANJESTAD – E ex periodista Elvis Weert na final di tratamendo di e caso di violacion sexual contra dje awe, na yoramento a pidi hues pordon pa su actonan. E la bisa cu fiscal ta pinte como monster pero e no ta. Manera cu noticiacla a raporta anteriormente, awe a trata e caso contra e ex periodista unda cu a resulta cu e ex periodista ta wordo acusa di no un pero dos aborto un dama mester a experiencia como resultado di violacion sexual na man di e ex periodista Elvis Weert. Asina a resulta den Corte diabierna durante tratamento di e caso di abuso sexual contra e ex periodista. Fiscal den e caso aki a pidi 12 aña di castigo di prison. Corte na final di e caso a cera esaki y ta dicta sentencia dia 18 di februari proximo.