Vocero di DVG: Palabranan mal escohi a crea impression eroneo riba maneho di Aruba Health app

ORANJESTAD - Palabranan mal escohi den momento di tristesta personal, lo a crea impression eroneo riba maneho di Aruba su Health app. Asina e vocero di DVG Jurrette Croes a clarifica diabierna den un comunicado. Segun e vocero, tawata exactamente siman pasa den pleno luto di su famia, cu e la ricibi for di matutino Bon dia Aruba diferente pregunta "technico" relaciona cu e Aruba Health App. “Den mi afan pa yuda tur hende, apesar di ta sentimentalmente kibra, mi persona a contesta Bon dia Aruba riba su preguntanan.  "DVG no ta administra e Aruba Health App, pa porfabor tuma contacto cu Bureau di Minister su PR"” Croes a cuminsa na bisa. Esaki como cu mi persona no tawata tin e contesta riba e preguntanan "technico" cu a wordo haci na e momento ey, tampoco no tawata tin e tempo pa busca e contestanan aki debi na luto di mi famia y pa toch yuda Bon dia Aruba mi a opta pa referinan na Bureau di Minister Oduber cu sigur lo por a yudanan. “ Loke mi persona no a premira of por a biba pensa tawata cu mi palabranan mal escohi na e presiso momento ey, lo wordo uza pa causa disturbio y intrankilidad den comunidad y crea un impresion eroneo riba kende ta adminstra e Aruba Health App” e la sigui bisa.b“Como PR di DVG mi tin e deber pa aclarea mi contesta referente e Aruba Health App y pa coregi e informacion incorecto y brinda e informacion corecto na communidad” Croes a sigui splica y aki clarificando cu varios punto e situacion.Entre nan cu  

1. DVG ta e opdrachtgever di Aruba Health App.

2. Informacion di vacuna ta wordo prosesa den e Aruba Health App.

3. Pa loke ta trata e boostershot esaki tabata na encargo di SETAR pa upgrade e systema asina e boostershot bewijs por a wordo uploaded.

4. Tur persona cu ta traha cu e Aruba Health App tin un contracto cu DVG y ta traha bou supervision di DVG y a firma un non disclosure agreement. 

5. DATOS di e Aruba Health App ta wordo siministra door di DVG.

6. Creador di e Aruba Health App ta nos Compania Nacional Setar NV.

7. DVG y Setar a tuma diferente medidanan y a implementa tur hermentnan pa por yega na un sistema cu ta optimalisa seguridad di informacion y proteha privacidad.

8. Tur personal cu ta traha cu e systema a firma un Confidentiality Agreement” pa sigura cu e anonimidad di e datonan ta keda sigura

“Den mi trabou, como consehero den comunicacion, relacionista publico di DVG y brindando sosten na Crisis Team den comunicacion atravez di e Crisis di COVID, mi semper a y lo sigui traha treciendo informacion corecto pa comunidad. Mi ta lamenta y pidi mi disculpa cu den mi momento di tristesa personal, mi palabranan mal escohi den mi buena fe pa yuda prensa apesar di mi situacion, por a causa duda of precupacion den comunidad relaciona cu datos, uzo y administracion di Aruba Health App” Croes a finalisa bisando.