SETAR: Vandalismo na kabelnan tin varios negoshi cu problema di comunicacion

ORANJESTAD – Clientenan di SETAR diabierna mainta por spera interupcion di servicio di Fiber causa pa un acto di vandalismo na Oranjestad, particularmente na altura di e rotonde di Seroe Blanco. Asina e compania di telecomunicacion a confirma. E vandalismo a pone cu tin negoshinan cu por ta experenciando problema cu nan comunicacion, principalmente den e area di Oranjestad. SETAR a informa tambe cu nan a acerca Polis pa asina wak ken ta esnan cu a comete e acto di vandalismo aki. A sigura cu e tecniconan ta trahando riba e problema pa resolve e interupcion mas pronto cu ta posibel.