Lo cuminsa instala camaranan di siguridad rond Aruba

ORANJESTAD: - Dentro di dos siman ta cuminsa instala camaranan di siguridad rond Aruba. Minister di Husticia Arthur Dowers a reuni cu e team envolvi den introduccion di "Camera Toezicht Project", un instrumento importante den combatimento di criminalidad. E intencion di e mandatario tabata pa busca instrumentonan cu por yuda baha criminalidad den accionnan combina cu autoridadnan concerni.

KEN TA ENCARGA

Setar ta e compania cu lo percura pa e conexionnan wordo haci pa Cuerpo Policial di Aruba. E proyecto aki ta den su ultimo fase di preparacion, cu ta encera cu ta pega e camaranan na un sistema, cu ta conecta cu SETAR. Falta pa reuni cu Elmar pa palabra e ultimo detayenan pa e coriente cu mester bay riba e camaranan aki di vigilancia. Unabes cu instala e camaranan, lo haci e testnan final pa despues e proyecto bay den operacion.