Tin 31 caso positivo di Covid19 den prizon na Corsou

WILLEMSTAD - Despues di algu ménos ku 2 siman, e kantidat di kontagionan relashoná ku COVID-19 den Sentro di Detenshon i Korekshon Kòrsou (prizòn) a yega 31. Dia 6 di yanüari último, prizòn a konosé e promé 3 kasonan positivo bou di e detenidonan. Tabata 3 hende muhé ku a tèst positivo. Su siguiente dia 1 detenido maskulino tambe a tèst positivo. Teniendo na kuenta di e situashon a opta pa tèst mas detenido ku tabatin kontakto ku esnan infektá. Su siguiente siman a drenta mas resultado i ku a yega e kantidat di 17 detenido infektá. Esaki apesar di tur e medidanan ku gerensia a tuma pa asina wanta e vírus aki for di e instituto. Awor algu ménos ku 2 siman despues, e sifranan a subi i bira kaso dòbel. Te ku ayera prizòn a konfirmá 31 kaso positivo bou di su klientenan. Tur ta hende hòmber di blòk 4 i tambe 8. Gerensia ta sigui traha duru pa asina e kantidat di kontagio no subi mas pa asina pronto por bisa ku no tin ningun kaso positivo mas. NOTA: E articulo ta scirbi den Papiamento fonetico di Corsou.