WHO: No asumi cu Omicron ta e final di pandemia Coronavirus

GENEVA -- World Health Organization su director general  Tedros Adhanom Ghebreyesus a alerta e siman aki pa tene cuidou pa asumi cu Omicron ta e final di e pandemia, pero a bisa si cu nos por ta riba bon caminda. Segun e director, condicionan ta ideal pa mas variante di Coronavirus aparece. Pero si cumpli cu cierto proposito, por logra fin di e pandemia pa fin di e aña. Pero no asumi cu esaki lo sosode sin mas, djis pasobra Omicron ta un variante ‘suave’. Varios pais a cuminsa elimina tur medida di Covid, manera Mexico y Inglatera, y Hulanda a suavisa su medidanan aun mas e siman aki.