- Na Corsou a sentencia homber Arubiano gara cu 1 kilo y mei di marihuana geplak na barica
- Mas di 2 mil habitante di Aruba, Corsou y St Maarten por vota den eleccion parlamentario Europeo
- Maduro: Venezuela ta sigui cu of sin licensia Mericano pa alivia sancion petrolero
- HOH Academy a ofrece curso ‘ Doctor On Board’ pa ora di incidente riba avion
- Forum riba importancia di Child Car Seat den trafico, na Tele Aruba awenochi
Doño di compania ta admiti cu a usa Corsou pa pasa 140 miyon na oro ilegalmente
WILLEMSTAD - Doño di un kompania di trùknan blindá akusá di tabata hunga un ròl importante den kontrabanda ku tabata envolví Sur-Amerika, Karibe i Sur Florida a deklará su mes kulpabel di a entregá dokumentonan falsu na duana ku mester a menshoná e orígen real di kargamentunan di oro ku a ser importá via di Miami International Airport. Jesus Gabriel Rodriguez Jr., CEO di e kompania di trùk Transvalue Inc. a atmití komo parti di e dil ku el a sera ku ministerio públiko, ku el a yuda importá míles di kilo di oro balorá na $140 mion den Merka, for di Kòrsou i sabiendo ku e dokumentonan di duana tabata falsu den menshon dje orígen.
E informashonnan ta mustra ku supuestamente e oro a ser embarká for di Islanan Kaiman pa hasi komo sifuera e no a sali for di Kòrsou, ku ta konosí komo un hub ílisito di transporte pa oro ku ta sali for di Sur-Amerika, inkluyendo Venezuela ku ta djis serka. Por sierto, si e oro aki defakto a ser transportá via di Kòrsou ta un violashon di e leinan merikano kontra labamentu di plaka.
Mas aleu tambe Rodriguez pa paga un suma di $267.817 komo parti dje akuerdo. E montante aki ta representá oumento dje balor di su kompania di karga i ganashi personal den e transporte, di akuerdo ku kalkulashonnan di korte. Abogado Tony Gonzalez a deklará ku Rodriguez tabata un dje piesanan prinsipal den e aktividat di labamentu di plaka, kual a ser deskubrí kasi sinku aña pasá ku aresto di tres broker establesé na Miami akusá di a importá oro balorá na $3.6 bion for di Perú i otro paisnan Sur-Amerikano.
Rodriguez lo por ta e último persona ku ta ser husga den e pais aki, ku a denominá Miami komo un kapital mayor pa importashon di oro.
E operashon mes:
Di akuerdo ku e ‘dagvaarding’, Rodriguez a hasi uso di su eksperensia i kontaktonan pa orkestrá importashon di míles di kilo di oro di fuentenan ilegal, kual a pasa via di Kòrsou i yega Merka. Kòrsou, un isla Karibense dilanti dje kosta di Venezuela i ku ta parti di Reino Hulandes, no tin mina di oro.
Rodriguez tabata konspirá ku bendedónan di oro den Karibe, aunke probablemente e oro tabata prosedente di Venezuela, tambe Perú i Colombia ku ta riku na oro pero pèstá ku korupshon. Rodriguez mediante su kompania di trùk tabata pasa e kargamentu di oro for di Miami International Airport pa NTR Metals ku ta un kompania prestigioso ku ta importá oro pero ku ta den sentro di e kaso di labamentu di plaka.
NTR Metals no tabatin mag di kumpra oro for di Kòrsou, kual ta un violashon dje polítika Merikano kontra labamentu di plaka. Kòrsou ta ser hopi usá komo hub. Tabata burla dje sistema lagando e oro pasa via di diferente pais promé ku e yega Miami ku ta su destinashon final. E oro ta sali di Kòrsou pa Miami, bai Islanan Kaiman i bai bèk Miami. Pues di un manera ‘fake’ tabata hasi komo sifuera ta Islanan Kaiman ta esun ku ta eksportá e oro.
E demanda pa oro na Merka ta mesun fuerte ku kokaina. Nota: E articulo ta scirbi den Papiamento fonetico di Corsou.
HOH Academy a ofrece curso ‘ Doctor On Board’ pa ora di incidente riba avion
ORANJESTAD - Siman pasa pa tres dia largo Horacio Oduber Hospital (HOH) a ofrece e curso Doctor On Board duna pa KLM Health Services. Durante e curso interactivo aki, e participantenan a haya sa mas tocante kico pa haci na momento cu un incidente medico tuma luga den avion. Lenie Denteneer, Manager di HOH Academy, a duna di conoce cu Doctor On Board ta un curso organisa pa HOH Academy conhuntamente cu KLM Health Services y cu e ta un curso masha popular mes na Hulanda. Hasta tin un lista di espera na Hulanda cu por bay te cu 2 aña di hende interesa pa forma parti di e curso Doctor On Board. HOH a organisa un total di tres dia di curso, pues cada dia un grupo tabatin e oportunidad pa forma parti di e curso interesante pa asina siña riba diferente topico cu ta importante pa sa asina cu aborda un avion di KLM.
Forum riba importancia di Child Car Seat den trafico, na Tele Aruba awenochi
ORANJESTAD - Comision Trafico Sigur ta contento di anuncia e lansamento di su prome programa di Television hunto cu Telearuba esta Forum, cu e meta pa educa comunidad ariba diferente aspecto di siguridad den trafico. E programa lo wordo transmiti Diamars 16 di April 2024, di 8:30 p.m. pa 9:30 p.m., via TeleAruba y tambe Live riba Facebook.
Documentario di ATA, "Blue Lizard Effect" lo expone Aruba riba canalnan internacional di television
ORANJESTAD - Durante un anochi bou di streanan na Parke Arikok, den presencia di bishitantenan special, productornan y partipantenan di e documentario, A.T.A. a presenta na presentacion den un manera exclusivo di e documentario di “Blue Lizard Effect”. Un serie documental revolucionario cu ta profundisa su mes den e mundo fascinante di Aruba, pero di un angulo diferente; e serie ta explora e concepto energetico di felicidad y e conexion profundo cu e cultura, e hende, y naturalesa di e isla ta provee pa cu esaki. Aruba ta asina e escenario unda cu ta papia di e topico di un bida feliz y con pa enfoca riba esaki.
Healthy Llifestyle Center a habri sucursal pariba di brug na MFA Savaneta
Wendy’s Aruba ta estrena programa Wendy’s Care
Grupo grandi di persona a participa den marcha contra maltrato di bestia
ORANJESTAD – Un grupo grandi di persona a cana diasabra atardi den un marcha di protesta contra maltrato di bestia. Bisti na blanco, sea completamente na blanco of un t-shirt cu e cara di e cacho Khaleesi cu a fayece recientemente di maltrato na man di su doño. E grupo a marcha di Kazerne di bombero na aeropuerto te dilanti e beach dilanti e cas ceremonial di Gobernador, unda cu a reuni y a comparti momentonan di solidaridad entre esnan presente. Potret cortesia Dick Drayer.
Follow NoticiaCla
