Erin Croes (Magic 96.5) E prome edicion di Carnaval Virtual ta awe tardi

Erin Croes (Magic 96.5) E prome edicion di Carnaval Virtual ta awe tardi

Posted on 01/26/2022 10:49 am AST | Updated on 01/26/2022 10:50 am AST

ORANJESTAD – Awe tardi ta inicia e prome edicion di Carnaval virtual. Asina e propietario di e emisora Magic FM 96.5 Erin Croes ta bisa. Segun Croes, aña 2020 a celebra Carnaval number 66 y tawata e ultimo Carnaval cu nos a celebra engrande manera nos ta custumbra. Nos tur ta corda e paradanan, e eleccionan y eventonan fantastico cu a tuma lugar. Na 2021 lamentablemente esaki no por a sigui y mesun cos awor den 2022. Si mester bisa cu nos ta den pleno preparacion pa un Post Pandemia ‘Carnival celebration’ cu lo por keda anuncia pronto cu un fecha na esaki. Mundo a pasa y conoce loke nunca nos generacion a biba cual ta e pandemia cu a azota mundo henter, pues ta mayoria carnaval na mundo mester a para unrato. 

CARNAVAL VIRTUAL A NACE 

Despues di a pensa y sinta brainstorm a bin e idea cu apesar cu no tin eventonan grandi manera nos conoce, pa yuda crea e atmosfera carnavalesco via Radio y Facebook enbibo y dedica esaki na tur Carnavalista.  Ta pa e motibo aki tambe cu MAGIC 96.5 FM manera semper tumando rienda a anuncia cu apesar cu no tin e eventonan custumbra, a bini cu e idea pa lansa algo pa crea un ambiente nobo y habri un Plataforma di show radial y facebook, pa por papia di e tema di carnaval den tur su aspectonan. For di e cosedo, welderdo, musico, reina, participante y mas. Asina e programa nobo CARNAVAL VIRTUAL a nace eora ey, manera directora Erin Croes a comenta. A anuncia esaki ya for di principio di aña y esaki a realmente cay den hopi bon tera serca Carnavalistanan di curason. 

Premio gordo tambe di 3000 mil florin Cash pa crea e jingle nobo di MAGIC FM!

Semper nos ta papia di mantene cultura di carnaval bibo, pues esaki ta un di e gran e formanan. Trese personanan cu conocimento di e tema, cu ta actornan tambe cu experiencia pa conta pueblo di carnaval. Mas cu claro banda di e combersacion, entrevistanan, lo tin competencianan virtual manera e buskeda di e JINGLE NOBO CARNAVALESCO 2022 pa e emisora. A anuncia un premio gordo tambe di 3000 mil florin CASH, cual ta danki na tur esnan cu ta inberti den e emisora unico aki. PRESENTADONAN

“Nos tin e placer di anuncia cu e presentadonan lo ta Cherryldine Buckley conocido personahe di carnaval como participante hopi aña den grupo manera Esso Club, Coastal Carnival group, Champagne CG, e ta presentado di TV y radio, pues tin amplio experiencia riba e tereno. Elsa Krosendijk cu ta creador di varios speech pa reinanan, prepara prins y panchonan, Sra Carnaval 2001 y participante active den nos paradanan. Maiky Oliva no ta un cara desconoci den e mundo musical como Mighty campo, participante y ganador di Roadmarch contest, cantante y presentador di Show radial, Mc e.o. ta esnan encarga pa haci e show uno yena cu musica, informacion y ambiente riba e diaransonan” Croes a sigui bisa. 

DIANAN CU LO TA DEN AIRE

E show lo ta tur Diaranson entre 6:00 PM pa 9:00 PM, Diahuebs mainta cu un resumen di e carnaval virtual y e musica di throwback Carnavalesco pa 10:00 AM cu Erin Croes y Diabierna mainta entre 10 – 12 di merdia cu Maicky Campo. Oyentenan por spera un dushi ambiente Live riba Radio como tambe virtualmente riba e pagina MAGIC 96.5FM ARUBA live. Lo tin invitadonan, lo tin pregunta cu premionan campeon. E show lo ta start Diaranson Januari 26 pa seis or di atardi. Bo tambe ta invita pa joine ambiente virtual cu lo ta sensacional.

  • Pandemia tabatin su debido efecto riba e cifras di AZV den 2021

    Pandemia tabatin su debido efecto riba e cifras di AZV den 2021

    ORANJESTAD – E impacto di e pandemia e ultimo aña sigur tabata grandi riba AZV. Asina director Edwin Jacobs a confirma segun cifranan presenta diahuebs mainta publicamente.  A duna un bista tambe di e entradanan ricibi. Entre nan e entrada na e prima y e impuesto, cu hunto tabata bon pa 40,3 miyon osea un aumento di 10.3% compara cu e presupuesto y un caida compara cu 2020 cu 63.1 miyon osea 17.2%. E gastonan di cuido a cay cu 19.3 miyon osea 4.1% compara cu e presupuesto y compara cu 2020, cu 1.2 miyon osea 0.3%. Gastonan administrativo , incluyendo entrada di interes, a cay cu 1.5 miyon osea 8.3% compara cu e presupuesto y 1.7 miyon compara cu 2020, osea 9%. 

  • AZV tin reto grandi pa yena vacatura pa dokter di cas

    AZV tin reto grandi pa yena vacatura pa dokter di cas

    ORANJESTAD – AZV tin reto grandi pa yena vacatura pa dokter di cas. Asina director di e seguro medico general ir Edwin Jacobs a bisa diahuebs mainta durante su presentacion di cifras pa 2021 na prensa. “E ta keda un reto grandi, pero tambe pa logra haya dokternan basico, pa sigui e formacion di dokter di cas na Aruba mes” Jacobs a sigui bisa. Di otro banda, e la bisa cu e aña aki tin 4 dokter cu ta bay cuminsa cu e formacion pa bira dokter di cas. Potret cortesia Telearuba. 

  • Habitantenan disgusta cu huma causa pa quadracer na candela

    Habitantenan disgusta cu huma causa pa quadracer na candela

    SAN FUEGO – Awe mainta algun habitante di e area di San Fuego tabatin basta keho di huma, ora cu un quadracer di un compania di tur a pega candela. No ta conoci kico e motibo di e candela tabata ni si tabatin herido. Loke si tabata bisto tabata e  huma cu tabata bastante grandi, cu a causa e molester necesario pa e habitantenan cu tabata suplica cu te ki dia mester soporta daño di naturalesa, riba prosperidad economico. Unabez cu a recohe e vehiculo kima, por a mira e daño cu a keda atras

  • HAVA: Aruba tambe ta observa Dia Mundial di Dokter di Cas awe

    HAVA: Aruba tambe ta observa Dia Mundial di Dokter di Cas awe

    ORANJESTAD - Aruba tambe ta recorda Dia mundial di dokter di cas awe. E asosacion di dokter di cas, HAVA ta recorda cu e prome punto di contacto ora e pashent ta busca ayudo medico; Un dokter cu por atende e pashent sin mester tin un verwijsbrief  . E specialista cu sa e historia completo di su pashent, su famia y circumstancianan social.  Esaki ta é protagonista di cuido primario, e dokter di cas.

  • Cinco sindicato ta tene marcha silencioso como protesta otro siman

    Cinco sindicato ta tene marcha silencioso como protesta otro siman

    ORANJESTAD – Un total di 5 sindicato a anuncia un marcha silencioso, pa mustra gobierno cu nan ta fada y harta di e situacion actual. Ta trata di e sindicatonan SPA, SADA, SIMAR, SEPPA y OPPA. E marcha lo mester coincidi cu e bishita di e secretario di estado Hulandes Alexandra van Huffelen otro siman unda cu a compronde cu e intencion ta pa entregue un manifiesto. ‘Ban sali y demonstra cu nos ta cansa, nos desacuerdo, nos mal contento, y cu nos kier solucion”. E marcha lo inicia for di e ex tereno na DOW y marcha pa Bestuurskantoor otro siman diamars pa 3’or. NOTA. E potret ta di archivo di noticiacla di e marcha di december di aña pasa di e sindicatonan. 

  • Detenidonan na KIA awor tin mas acceso na les cu proyecto ‘Smart Class Room’

    Detenidonan na KIA awor tin mas acceso na les cu proyecto ‘Smart Class Room’

    ORANJESTAD - Diaranson mainta, durante un sesion virtual, KIA a lansa su proyecto nobo esta e “Smart Class Room” caminda nan lo bay ta brindando les y ta bay haci cuido den e mundo penitenciario mas accesibel pa tur e detenidonan. KIA a percura pa usa un parti di e jeugdafdeling cu no ta wordo usa frecuentemente, pa por duna e lesnan aki. E lokaal aki a wordo ekipa cu tecnologia moderno, pa di e forma aki por brinda les particularmente na nos hobennan, lesnan cu tin nan propio interes, pa nan por participa activamente tambe. 

  • Powered by SETAR