Wever: No tin ‘deal’ ainda cu Hulanda riba puntonan di impasse

Wever: No tin ‘deal’ ainda cu Hulanda riba puntonan di impasse

Posted on 01/26/2022 10:42 am AST | Updated on 01/26/2022 10:46 am AST

ORANJESTAD – Contrario na raportahe di e matutino di Corsou Antiliaans Dagblad di dialuna, ainda no tin acuerdo definitivo entre Hulanda y Aruba riba e prolongacion di e protocol di supervision financiero. “Nos ta na mesa den negosacion cu Hulanda. E ta bayendo bon” e prome mandatario di Aruba a bisa noticiacla dialuna mainta. Pero e la sigura cu cos no ta manera ta wordo bisa.:” Nos no ta full cla ainda. Asina cu nos ta cla, mi ta laga sa”, e mandatario a sigui bisa. E matutino Hulandes awe mainta a papia sinembargo cu lo tin un acuerdo di prolongacion di 2 aña di e protocol, cu ta nifica segun e corant, continuacion awor di e nota di cambio di e Rijkswet di COHO. Esaki no un 'done-deal' manera e corant ta bisa, e mandatario a mustra e portal aki. 

REACCION ARUBA

E mandatario mas despues a bisa e portal aki awe mainta cu enberdad ta papiando cu e secretario di estado Hulandes y cu nan ta yegando na otro, pa loke ta e puntonan. Ta trata di 3 punto cu na December a keda pega. E mandatario a mustra cu Hulanda riba prolongacion di e protocol di supervision, a ofrece 3 aña di duracion y Aruba 1 aña. “Pero nos por biba cu 2 aña”, e mandatario a sigui biba. Una bez cu esey ta cla, e ora por aproba e nota di cambio di COHO pa cosnan sigui cana. Pero esey segun e mandatario, no ta un hecho ainda, mientras cu e matutino Hulandes ta haci como si fuera e ta cla. Y berdad, riba e tema di e recorte salarial, ainda no tin nada. “Otro siman nos tin un reunion cu tur e islanan y e secretario di Estado nobo, y eynan lo wak con nos ta yega riba e puntonan aki” e mandatario a sigui bisa. E intencion ta pa dia 4 di februari proximo durante e reunion di RMR, acorda e puntonan aki, y e ora por papia di un acuerdo. Prome no, e mandatario a sigui bisa. 

PROTOCOL

Manera ta conoci, fin di aña pasa cos a pega entre Aruba y Hulanda, ora cu Aruba a wordo confronta cu tres asunto cu a keda pega, cu ta entre nan e protocol nobo pa supervision financiero, e recorte salarial di 12.6% y e nota di cambio di COHO. Hulanda, cu inicialmente no kier a mara e protocol na un fecha, a ofrece un proposicion stipulando un protocol di maximo 3 aña (manera e protocol anterior), pero Aruba no a bay di acuerdo cu esaki pasobra a considera esaki mucho largo. Aruba a boga pa keda cla mas tempran y a opta/sugeri un protocol di 1 aña maximo, dunando Hulanda tempo pa keda cla cu e Rijkswet durante curso di aña. E tema di recorte di salario no a wordo traa tampoco, y e nota di cambio di COHO tampoco. E falta di acuerdo a conduci na un impasse cu ora cu mester a dicidi den e ultimo RMR di 2021, esaki a keda wanta te e proximo RMR, pa 2022. Consecuencia ta cu Aruba no a haya ok pa sosten di likides, y e peticion pa reduci e recorte di salario, a keda wanta tambe. 

 

  • Cu ley nobo riba bienestar di bestia, gobierno kier combati abuso extremo di mascota

    Cu ley nobo riba bienestar di bestia, gobierno kier combati abuso extremo di mascota

    ORANJESTAD - Recientemente oficina di e minister di naturalesa y medio ambiente Ursell Arends conhuntamente cu diferente fundacion di rescate y tambe KPA a ricibi informacion di un caso extremo di abuso di animal. E caso aki ta encera un cantidad di cacho di diferente rasa bou condicionnan hororoso y simplemente inaceptabel. Acomparti e imagennan di e cacho cu ta esun den condicion mas critico actualmente, despues di a wordo exponi na crueldad y abuso extremo di su mesun doño.  

  • Entrante augustus 2024, alumnonan di klas 1 lo siña lesa y scirbi na Papiamento!

    Entrante augustus 2024, alumnonan di klas 1 lo siña lesa y scirbi na Papiamento!

    ORANJESTAD – E siman aki durante Conferencia di Prensa di Gobierno di Aruba, Minister Endy Croes a anuncia e maneho di idioma nobo pa proximo aña escolar. Pues desde aña escolar 2024-2025, e alumnonan di klas 1 di scol basico lo siña lesa y skirbi na Papiamento. Lo duna Hulandes como materia y acopla na loke e mucha por den Papiamento.  E maneho di idioma ta basa riba recomendacion 2 di e rapport Doorlichting van het Arubaanse Onderwijsstelsel: elegi un maneho di idioma concreto y consecuente (maak een eenduidige en consequente keuze in het taalbeleid). A base di esaki, a pidi e expertonan di Departamento di Enseñansa (DEA) pa haci un investigacion profundo riba e tema aki, den forma di un debate nacional hunto cu diferente experto y stakeholder den enseñansa y afo di enseñansa. E discusion pa scoge e ley di maneho di idioma pa Aruba a inicia desde aña 1819, pues 205 aña pasa. Na aña 1819, Gobernado General Sr. Albert Kikkert a enfatisa cu mal dominio di e idioma Hulandes tin efecto negativo riba otro materia y pa tin Hulandes como e unico idioma di instruccion no ta e forma mas adecua pa enseñansa na Aruba. Algun aña despues, Sr. Hamelberg y Sr. van Kol a ripiti esaki. E problema ta sinta na momento cu e muchanan sali di scol preparatorio y cuminsa scol basico, paso, ta haci mane e muchanan tin un vocabulario basico di 6000 palabra na Hulandes, cual ta totalmente eroneo. Segun rapport di CBS den 80% Papiamento ta e idioma mas papia na cas. Banda di esaki, den  28% di e hogarnan nan Aruba, Spaño ta e idioma mas papia. Den caso di Ingles ta 16 % y den caso di Hulandes ta trata di 13%. Cu e base fuerte di e idioma Papiamento, e muchanan por siña e otro idiomanan di un forma hopi mas efectivo.

  • Vrolijk: Reunion di consulta di riba ley matrimonio mesun sexo ta termina na april!

    Vrolijk: Reunion di consulta di riba ley matrimonio mesun sexo  ta termina na april!

    ORANJESTAD – Presidente di Parlamento Edgard Vrolijk a programa e reunion solicita pa fraccion di RAIZ, pasobra e la wordo notifica pa parlamentario Guedez Erasmus, cu pa luna di april 2024, e reunionan di consulta riba e concepto di ley di matrimonio di mesun sexo ta termina. Asina e la informa Noticiacla.com diaranson anochi y a mustra e carta den cual e ta informa e fraccion RAIZ. 

  • Segun RAIZ, Vrolijk a concede: Reunion pa ley matrimonio mesun sexo ta na mei

    Segun RAIZ, Vrolijk a concede: Reunion pa ley matrimonio mesun sexo ta na mei

    ORANJESTAD – Presidente di Parlamento Edgard Vrolijk a cumpli toch cu e peticion di partido RAIZ y a condece e reunion solicita riba tema di matrimonio di mesun sexo. Diaranson anochi laat, e partido RAIZ a confirma cu Vrolijk a confirma e fecha di 8 di mei 2024 unda Parlamento di Aruba lo haya oportunidad democratico pa vota riba e ley. No ta conoci si esey ta e motibo di e conferencia di prensa yama awe diaranson, pero ta mustra asina awor si. Esey ta nifica cu Vrolijk sea a baha cabez pa RAIZ, y concede e reunion toch, of cu mientrastanto e trabou di parlamentario Guedes a termina diripiente cu a pone cu awor si por yama e reunion. 

  • Deadline a vence pa MEP: Diahuebs Raiz ta contesta!

    Deadline a vence pa MEP: Diahuebs Raiz ta contesta!

    ORANJESTAD – Deadline a pasa pa presidente di Parlamento (lesa: MEP). Awor palabra ta na fraccion di partido RAIZ. Diaranson 5’or di atardi, e ultimatum cu fraccion di partido RAIZ (lesa :Misha Raymond ) a pone pa presidente di Parlamento Edgard Vrolijk yama e reunion pa trata e ley di matrimonio di mesun sexo den Parlamento. E deadline a pasa, y nada no a sosode, manera cu por a spera. E prome pa reacciona, tabata lider di partido ACCION21, Miguel Mansur cu a pone riba su pagina di Facebook ‘Kico awor??” cu algun option. Mientrastanto atardi, e fraccion di RAIZ a yama un conferencia di prensa pa diahuebs 11’or di mainta cu e unico tema, ‘Matrimonio pa pareha di mesun sexo”. 

  • Gobierno a aumenta suma liber di impuesto riba ekipahe di biahero

    Gobierno a aumenta suma liber di impuesto riba ekipahe di  biahero

    ORANJESTAD - Minister Xiomara Maduro a informa cu entrante 1 di april 2024 e suma di exoneracion di impuesto riba ekipahe di biaheronan ta aumenta di AWG 400 pa AWG 900. 

  • Zulo
  • Varadero
  • Powered by SETAR