Docentenan di Colegio lo traha bou di protesta diaranson

ORANJESTAD - Docentenan di Colegio Arubano ta traha bek bou di protesta diaranson. Asina a keda dicidi den reunion na Simar. Awemainta maestronan di Colegio Arubano, a reuni cu otro pa asina fiha un posicion.  Korps a scohe pa re-anuda trabou mañan 26 di januari 2022 pa garantisa continuacion di enseñansa maske cu nan ta sinti nan mes intimida.

Bou di e siguiente condicionan:

1) Directiva completo di SVOA (Ernesto Rosenstand, Mariska Dania, Juancho Pilongo, Patricio Nicolaas y Giacomo Petrocthi) y coach (Jalken Antonia) mester abstene di subi tereno, pa garantisa e siguridad propio y paz mental di e korps.

2) Y nan exigencia cu ta poni den e carta fecha 18 januari 2022 dirigi na directiva ta keda vigente.

Maestronan lo presenta mañan na pia di trabou pa brinda nan alumnonan, e oportunidad pa finalisa nan pruebanan (CP/SE). Pero mester acentua si cu ta presenta na trabou bou di protesta y e situacion ta keda critico.