Obama: Merca a declara Venezuela un menasa pa seguridad nacional

WASHINGTON (Reuters) – Merca a declara Venezuela un menasa pa seguridad nacional y a ordena sancion contra 7 oficial venezolano. Asina e agencia di noticia Reuters ta raporta. Un ora despues, e minister venezolano Delcy Rodriquez a manda yama su representante comercial venezolano na Merca pa un consulta. Esaki ta e pio disputa diplomatico entre Venezuela y Merca desde cu e presidente venezolano Nicolas Maduro a tuma mando di e pais na 2013. 

ORDEN EHECUTIVO

Presidente Barack Obama a emiti y firma e orden ehecutivo, cu segun oficialnan administrativo mericano ta bisa, no ta intenta pa e sector energetico, of e economia mas amplio venezolano. Declarando un pais como un menasa nacional di seguridad, ta e prome paso pa cuminsa un regimen di sancion. E mesun proceso a wordo sigui cu paisnan manera Iran y Syria.

CAS BLANCO

Cas Blanco mericano a bisa cu e orden ehecutivo ta destina pa esnan cu ta mina e proceso of institutonan democratico, a comete actonan di violencia of abuso di derecho humano, envolvi den prohibi libertad di expresion, of ta envolvi den corupcion publico. Mesora e minister di relacionan exterior Rodriguez a bisa, cu Venezuela lo a reacciona ‘pronto’. Y esey tabata un ora. NOTA. E foto cortesia di Reuters, ta di oposicion na Venezuela demonstrando diadomingo riba dia internacional di hende muhe.