Koolman: Aruba a yega y pasa e peak di ola # 5 di Covid19

ORANJESTAD – Tur cos ta mustra cu Aruba a yega y pasa e ‘peak’ (e punto mas halto) di e ola number 5 di Covid19. Asina e representante di Crisis Team Sharline Koolman-Wever a confirma pa noticiacla. Specificamente si mira e grafico recien presenta, ta mustra cu Aruba a yega e peak dia 16 di januari ultimo. Tabata sinembargo dia 5 di januari  cu a yega e punto di mas halto pa dia, cu tabata  1162 riba un solo dia. Pero pa Crisis Team ta nota un cantidad di factor pa determina e peak di e ola aki. Te cu diadomingo tabatin ‘apenas 732’ caso activo, compara cu dia 8 di januari ultimo cu tabatin 5387 caso activo total. Ayera tabatin ‘apenas’ 102 caso nobo raporta, cu por zona poco compara cu e mil y pico, pero ainda esaki ta preocupante.