Simar: Rector di Colegio Aruba a keda institui bek den su funcion

ORANJESTAD – For di sindicato di maestro SIMAR, a drenta e informacion cu e rector di Colegio Arubano sr Tim Croes ta bek na trabou.”E situacion cu rector a wordo resolvi. Meneer Tim a wortdo institui bek den su funcion” tabata e mensahe di Simar diabierna anochi. Detayenan sinembargo no a keda divulga (ainda) di kico a sosode cu a logra resolve e asunto. E carta di maestronan dirigi na e directiva di SVOA ta keda valido segun Simar. Esaki ta nifica cu tur cos ta ‘bek na normalidad’ na Colegio Arubano. 

E SITUACION

Manera por corda for di diamars e situacion na Colegio Arubano a ‘bay for di man’ ora cu a bin un clash entre e directiva di e scol y e rector, cu a resulta den suspension di e rector. Esaki a conduci consecuentemente na un paro di e parti di docentenan e siguiente dia cu consecuencia cu lesnan mester a keda cancela, incluyendo CP y SE. E situacion a dura pa tres dia, cu a pone cu mester a pospone e SE y CP pa fin di luna. A cuminsa un bay bin entre directiva, director, gobierno (minister), sindicato SIMAR y mediado di gobierno. Finalmente diabierna atardi laat a bin e noticia cu cos a keda resolvi.