Colegio Arubano ta ‘habri’ pero sin duna les pa di tres dia

ORANJESTAD – Debi cu directiva di Colegio Arubano no kier a ricibi e carta cu e docentenan y rector a traha pa nan, esaki mester a wordo pusha bou di porta di e oficina di directiva diabierna mainta. Un grupo grandi di docente y alumno a para pafor di e scol mainta tempran ora cu a lesa e carta aki. Ora cu a caba lesa e carta, a dicidi di converti e carta den un uno ‘habri’, y pusha esaki bou di e porta. Mientrastanto scol ta keda sin duna lesa, aunke segun e directiva, scol ta habri. 

DIRECTIVA

Directiva mientrastanto a manda un carta pa mayornan pa splica nan version y a mustra e.o. cu e motibonan pa a suspende e rector, tabata valido pero mas informacion no por a duna. Ademas a sigura cu e scol ta habri aunke no por garantisa cu lesnan ta wordo duna. A mustra tambe cu a pone otro fecha pa e CP y SE nan cu no a tuma lugar e siman aki, tuma lugar. Esey lo ta fin di e luna aki. E siman aki esaki mester a tuma lugar pero debi na e protestanan, esaki a cay afo.