Gobierno por anuncia cambio di medida contra Covid19 awe merdia

ORANJESTAD – Den cuadro di e loke cu a keda informa den comienso di siman riba e asina yama 'exit strategy' pa cu medida di Covid19, noticiacla a compronde cu awe merdia gobierno y Crisis Team tin intencion di anuncia cierto cambionan den maneho di Covid19 y lo ta den forma di suavisacion di medida. E intencion segun e portal aki a compronde, ta cu ta trahando na caminda pa kita tur medida, y reemplasa esaki cu un maneho nobo diario cu nos tin cu biba cu ne. Asina e mandatario di salud Dangui Oduber a splica noticiacla. No tin fecha exacto pa kita tur medida, pero e intencion ta pa poco poco bay kitando esaki. Pa esaki lo tene 7 factor na cuenta pa yega eynan. 

ENDEMICO

Ta prepara pa hunto cu World Health Organization ora cu nan decreta e pandemia pa un endemic, cu nos tambe ta cla pa esaki. Entre otro mester cuminsa pensa riba e flexibilisacion di nos ‘inreisbeleid’, y kita esaki manera cu a tuma lugar caba cu paisnan manera Mexico y Inglatera. Tambe ta considera otro tipo di testing, y ta pensa den forma di ‘sentinel’ testing. Pero pa awe merdia, lo mas sigur anuncia esaki.