Croes (DOW): Awa di Bubali Plas cu a bay laman no tabata contamina

ORANJESTAD – E testnan cu DVG a haci recientemente relaciona cu e calidad di awa cu a bay laman for di Bubali Plas basa riba e noticia cu a sali diabierna riba esaki a sali negativo, den sentido cu no tin riesgo pa salud di hende. Asina director di DOW Marlon Croes a bisa diahuebs mainta durante un conferencia di prensa. Segun Croes, a haci e testnan necesario den fin di siman cu a pasa, diabierna anochi y diasabra a sinta cu esnan concerni (DNM, PARKE, DVG, DOW) pa papia riba e plan di accion. Tur ta dentro di margen di e norma pues no tin riesgo di salud pa usuarionan di laman. 

E NOTICIA

E noticia cu e medio di noticia 24ora a raporta diabierna y bati alarma ta cu awa sushi lo a drenta laman via Bubali Plas y posiblemente contamina e laman y salud di esnan usando esaki.