Pa di dos dia Colegio Arubano ta paralisa y docentenan ta protesta

ORANJESTAD – Pa un di dos dia sigui, docentenan di Colegio Arubano a protesta pafo di scol, pa e suspension di e rector Tim Croes. Como tal a opta pa no duna les y para pafo atrobe pa mustra nan malcontento. Mientrastanto e docentenan a mobilisa pa edificio di Simar unda cu lo mester tin un conferencia di prensa pa 11’or di mainta. E problema ta cu hunto cu e accion, ta nifica cu no tin e Centraal Proefwerken (CP)  y SE cu mester tuma lugar e dianan aki. 

PEGA AINDA

Ayera nochi a bira conoci cu e directiva di scol SVOA y docentenan no a yega na un acuerdo cu otro! Esey tabata nifica cu e suspension di e rector a keda vigente y cu scol lo a keda cancela. Y e mensahe tabata cu accion lo a sigui. A pidi mayornan pa tambe uni cu e accion.