Docentenan di Colegio Arubano a protesta awe mainta

ORANJESTAD – Awe mainta docentenan di Colegio Arubano a protesta dilanti e scol, bisti na preto pa mustra sosten na e rector Tim Croes cu un dia prome a keda suspendi. Bisti na preto, e docentenan a para y asina manda un mensahe pa e dirigentenan. Sindicato SIMAR a sostene e accion aki y ta mustra cu nan ta sostene e rector y docentenan, sigur despues di loke a sosode un dia prome. For di e presidente di e sindicato SIMAR Josephine Albertus, noticiacla a compronde cu pa awe mainta 9’or lo e docentenan tur topa na cede di SIMAR pa dicidi e siguiente paso. Mientrastanto no ta dunando les na e scol, cu ta inclui e CP cu mester ta andando.